Էրդողանը ՄԱԿ-ին կոչ է արել արտահերթ ժողով հրավիրել Հալեպի հարցով

Թուրքիայի նախագահ Ռեջեփ Թայիփ Էրդողանը  հեռախոսազրույց է ունեցել ՄԱԿ-ի նորընտիր գլխավոր քարտուղար Անտոնիու Գուտերեսի հետ՝ շնորհավորելով նրան ՄԱԿ-ի գլխավոր քատուղար ընտրվելու կապակցությամբ:

Ըստ «Անադոլու» գործակալության՝ հեռախոսազրույցի ժամանակ բարձրացվել է Սիրիայի Հալեպ քաղաքի իրավիճակը: Էրդողանը ՄԱԿ-ին կոչ է արել արտահերթ ժողով հրավիրել Հալեպի հարցով:

Էրդողանը նշել է, որ ներկա պահին Հալեպում  մասնակիորեն հաստատվել է հրադադար, որի ապահովման հարցում «Թուրքիան ունի իր դերը»:

Նա հերթական անգամ մեղադրել է Սիրիայի նախագահ Բաշար Ասադին և նրա  կողմնակիցներին՝ «դաժանություններ և վայրագություններ անելու մեջ»: