«Մարդասպան Էրդողան». քրդերը ցույց են կազմակերպել Լոնդոնում BBC հեռուստաընկերության շենքի առջև

Լոնդոնում քրդերը հակաէրդողանական ցույց են կազմակերպել BBC հեռուստաընկերության շենքի առջև:

Anfturkce-ից տեղեկանում ենք, որ քրդերը ցույցեր են իրականացնում Թուրքիայում քրդամետ Ժողովուրդների դեմոկրատական կուսացկության համանախագահների և պատգամավորների ձերբակալությունից անմիջապես հետո:

BBC հեռուստաընկերության շենքի դիմաց հավաքված քրդերը պարզել են «Մարդասպան Էրդողան» գրությամբ պաստառներ և պարբերաբար հայտարարություններով են հանդես եկել՝ անիծելով Էրդողանի՝ իշխող «Արդարություն և զարգացում» կուսակցությանը: Հավաքվածները բարձրաձայնել են նաև արդեն համատարած բնույթ կրած մտահոգությունը՝ Թուրքիայում բնակող քրդերի գոյության հարցը: