ԱԺ-ում քննարկվում է կամավորականների աշխատանքն ու վարձատրությունը պահպանելու մասին հարցը

Այսօր կառավարության նախաձեռնած` ԱԺ արտահերթ նիստում քննարկվում էր «Աշխատանքային օրենսգրքում» լրացումներ ու փոփոխություններ անելու մասին հարցը, որի մշակումը պայմանավորված է 2016թ. ապրիլի 1-ից հետո Ադրբեջանի կողմից սանձազերծված պատերազմական գործողությունների կապակցությամբ կամավորական հիմունքներով մարտական գործողությունների գոտի մեկնող անձանց համար լրացուցիչ աշխատանքային իրավունքների երաշխիք սահմանելու անհրաժեշտությամբ:

Աշխատանքի և սոցիալական հարցերի նախարար Արտեմ Ասատրյանը, ներկայացնելով հարցը, նշեց, որ ապրիլի 1-ից հետո առաջնագիծ մեկնած կամավորականների աշխատանքային իրավունքների լիարժեք ապահովման նպատակով անհրաժեշտ է աշխատանքային օրենսգրքով սահմանել աշխատանքային լրացուցիչ երաշխիքներ՝ աշխատատեղի պահպանում և վարձատրության կազմակերպում՝ կամավորական հիմունքներով մարտական գործողություններին մասնակցելու ժամանակահատվածում:

Աշխատաժամանակում չի ներառվում, սակայն աշխատանքային ստաժում հաշվարկվում է պետական, հասարակական կամ քաղաքացիական պարտականությունների կատարման և մարտական գործողությունների մասնակցելու ժամանակահատվածը: Մարտական գործողությունների մասնակցելու ժամանակահատվածում պահպանվում են քաղաքացիների աշխատատեղը և միջին աշխատավարձը: