Անհրաժեշտ է ԵՄ-ի հետ ասոցացման մասին բանակցություններ սկսել Հայաստանի և Ադրբեջանի հետ. Լատվիայի ԱԳ նախարար

Անհրաժեշտ է ԵՄ-ի հետ ասոցացման մասին բանակցություններ սկսել Հայաստանի և Ադրբեջանի հետ. ըստ РИА Новости-ի` հայտարարել է Լատվիայի արտգործնախարար Էդգար Ռինկևիչը Բրյուսելում անցկացվող` Արևելյան գործընկերության և ԵՄ անդամ երկրների ԱԳՆ ղեկավարների հանդիպման ժամանակ:

Նա կոչ է արել ԵՄ-ին` ակտիվորեն աջակցել գործընկերության երկրներին, որոնց քաղաքացիները պետք է զգան ԵՄ-ի հետ հարաբերությունների գործնական օգուտը:

Ռինկևիչը նաև ընդգծել է, որ Եվրամիությունը ԱԳ երկրների հետ պետք է կնքի ազատ առևտրի գոտու ու վիզաների վերացման մասին համաձայնություն, համագործակցել տրանսպորտի, տարանցիկ փոխադրումների, էներգետիկայի, առողջապահության և IT տեխնոլոգիաների ոլորտներում: