Ծեծկռտուք ու կրակոցներ Մոսկվայի գերեզմանատներից մեկում. կան զոհեր ու ծանր վիրավորներ. Տեսանյութ

Մոսկվայի Խովանսկի գերեզմանատանը զանգվածային վեճ ու ծեծկռտուք է եղել, որի հետեւանքով 3 մարդ է մահացել, մի քանի մարդ ծանր հրազենային վիրավորում է ստացել:

Կռվին շուրջ 500 մարդ է մասնակցել. նրանցից 50-ն այս պահին բերման են ենթարկվել, հայտնում է BBC-ն:

Մոսկվայի առեւտրի եւ ծառայությունների վարչության ղեկավարի խոսքով վեճը սկսվել է այն բանից հետո, երբ իրավապահները փորձել են տարածքից դուրս հանել անօրինական ներգաղթյալներին: Սակայն  իրավապահ օրգանների աղբյուրները հայտնում են, որ վեճի պատճառը 2  խմբավորումների միջեւ հակասությունն է եղել` տարածքի սպասարկումն իրականացնելու համար:

Մասնակիցներն օգտագործել են երկաթյա ձողեր, հրազեն եւ մահակներ: Կռիվը դադարեցվել էմիայն ՕՄՕՆ-ի միջամտությունից հետո:

Ի դեպ, Խովանսկի գերեզմանատանը շատ քրեական հեղինակություններ են հուղարկավորված, այդ թվում` Դեդ Հասանը: