Լավրովը ԱՄՆ-ին կոչ է արել «ուշքի բերել թուրք դաշնակիցներին»

ԱՄՆ-ը պետք է ուշքի բերի իր թուրք գործընկերներին, որոնք մինչ օրս խոչընդոտում են միջսիրիական բանակցություններին քրդերի մասնակցությանը. ըստ РИА Новости-ի՝ հայտարարել է ՌԴ արտգործնախարար Սերգեյ Լավրովը:

«Այստեղ (Ժնևում անցկացվող միջսիրիական բանակցություններում) հիմա գլխավոր խնդիրը,- դա արդեն գաղտնիք չէ, մենք այդ մասին խոսւմ ենք,-  իրապես ներկայացուցչական ընդդիմադիր պատվիրակության ապահովումն է: Դա ենթադդում է, որ մեր ամերիկացի գործընկերները պարզապես պետք է ուշքի բերեն իրենց թուրք դաշնակիցներին, որոնք նախկինի պես շարունակում են միայնակ խոչընդոտել «Սիրիայի քրդերի ժողովրդավարական միություն» կուսակցության պատվիրակության մասնակցությանը բանակցություններին»,- ասել է նա լրագրողներին: