Առաջին կամ վերջին հրաժարականը հո չի՞. Վահրամ Բաղդասարյանը` Միհրան Պողոսյանի հրաժարականի մասին

Տեղեկացրել էինք, որ ԴԱՀԿ պետ Միհրան Պողոսյանը հրաժարականի դիմում է ներկայացրել:

Ազգային ժողովի Հանրապետական խմբակցության ղեկավար Վահրամ Բաղդասարյանը yerkir.am-ի հետ զրույցում ասաց՝ ի՞նչ կա այդտեղ, առաջին կամ վերջին հրաժարականը հո չի՞: «Իրոք, նման դիմում ստացվել է, հարցը կքննարկվի, և հանրապետության նախագահն էլ որոշում կկայացնի»,- ասաց նա:

Հարցին, թե արդյո՞ք պետք է միայն հրաժարականի դիմումով բավարարվել, նա իրավական պատասխանատվության չպե՞տք է ենթարկվի, Բաղդասարյանը պատասխանեց, որ եթե նման խնդիր առաջանա, համապատասխան մարմինները դրան պատասխան կտան: «Ես իրավասու չեմ նման պատասխան տալու»,- ասաց նա:

Բաղդասարյանը նշեց, որ Պողոսյանի հրաժարականի տեքստը դեռ չի կարդացել, ուստի այլ մեկնաբանություն տալ չի կարող: