Անհրաժեշտության դեպքում կարող են խաղաղապահներ տեղակայվել. Վահրամ Բաղդասարյան

Այսօր խորհրդարանական ճեպազրույցների ընթացքում ԱԺ ՀՀԿ խմբակցության ղեկավար Վահրամ Բաղդասարյանը անդրադարձավ հակամարտության գոտում խաղաղապահների տեղակայման հավանականությանը:

«Մենք երբեք չենք դիմի, բայց եթե խաղաղության համար դա անհրաժեշտ լինի, մենք դեմ չենք լինի: Մենք որեւէ անգամ հանդես չենք եկել, որպեսզի տեղակայվեն խաղաղապահներ»,- ասաց նա:

Ճշտող հարցին` միջազգային գործընկերները պնդո՞ւմ են, որ խաղաղապահներ տեղակայվեն, Վահրամ Բաղդասարյանը պատասխանեց. «Նման խոսակցություններ կան, առաջարկություններ կան, բայց պնդումներ չկան: Սկսվել են բանակցությունները: Կան առաջարկություններ, որ անհրաժեշտության դեպքում կարող են տեղակայվել խաղաղապահ ուժեր: Համենայն դեպս, նման որոշում կայացված չէ: Խոսում ենք չեղած բաների մասին: Մեր հույսը պետք է դնենք մեզ վրա, մեր ժողովրդի վրա»: