20-ամյա Գոռը հասցրել է զինվորներին օգնության հասնել. հակառակորդը պայթեցրել է մեքենան

Հակառակորդի նախահարձակ գործողությունների ժամանակ զոհված տղաներից մեկն էլ 20-ամյա Գոռ Կիրակոսյանն է, ով Արմավիրի մարզի Արևիկ գյուղից էր: Yerkir.am-ի հետ զրույցում Արևիկի գյուղապետ Գառնիկ Ծատուրյանը հայտնեց, որ Գոռն ունի մեկ եղբայր, ով զինվորական ծառայությունն ավարտել ու հոր հետ մեկնել էր արտագնա աշխատանքի:

«Այս գիշեր են հայրն ու եղբայրը եկել… Գոռը յուրահատուկ տղա էր` շատ կիրթ ու դաստիարակված: Նա զորամասում վարորդ էր: Լարված ժամանակ, երբ հերթական անգամ մեքենայով բարձրացել է տղաներին օգնության ու ինչ-որ բան փոխանցել, հետո` կրկին առաջնագծից զորամաս է գնացել, հակառակորդը կրակել է ականանետից, մեքենան պայթել է, ինքն էլ` զոհվել»,- ասաց գյուղապետը: