Մենք Թուրքիային չենք մեղադրում ԼՂ-ում լարվածության համար. Լավրով

Թուրքիան պետք է դադարի աջակցել ահաբեկչությանը և միջամտել այլ երկրների ներքին գործերին: Այդ մասին հայտարարել է ՌԴ ԱԳՆ ղեկավար Սերգեյ Լավրովը Մոլդովայի ԱԳՆ ղեկավարի հետ մամուլի ասուլիսում. հայտնում է РИА Новости-ն:

«Մենք չենք մեղադրում որևէ արտաքին ուժի այն բանում, որ հենց նա է հրահրել այդ լարվածությունը (ԼՂ-ում): Չենք մեղադրում նաև Անկարային»,- ասել է Լավրովը՝ պատասխանելով համապատասխան հարցին:

«Չեմ կարող դատել՝ ինչ դեր է խաղացել կամ չի խաղացել Անկարան կամ շարունակում է խաղալ ԼՂ հարցում, սակայն բոլորի համար, այդ թվում` Թուրքիայի և թուրք ժողովրդի, ճիշտ կլինի, որ Անկարան ներկայումս կենտրոնանա ահաբեկչությանը չաջակցելու վրա»,- ասել է նա: