Ռուսական ԶԼՄ-ներն ակտիվորեն անդրադառնում են շփման գծում ստեղծված իրավիճակին

Ռուսական մի շարք առաջատար լրատվամիջոցներ, այդ թվում՝ «Առաջին ալիքը» և «Վեստի.ռու»-ն, ակտիվորեն անդրադարձել են ԼՂՀ սահմանին տիրող իրավիճակին:

ԶԼՄ-ները շեշտում են շփման գծում իրավիճակի կտրուկ սրացումը և ակտիվ մարտական գործողությունների սկսվելը, ինչպես նաև հաղորդում ՀՀ-ի հակահարձակողական գործողությունների և ադրբեջանական ուղղաթիռի խոցման մասին:

Կայքերը նշում են, որ Հայաստանը և Ադրբեջանը միմյանց են մեղադրում են այդ սրման համար, ինչպես նաև հաղորդում երկու կողմերից քաղաքացիական զոհերի ու վիրավորների մասին:

Նշենք, որ քիչ առաջ ՌԴ արտգործնախարարության պաշտոնական ներկայացուցիչ Մարիա Զախարովան հայտարարել է, որ ՌԴ ԱԳՆ-ն ուշադիր ուսումնասիրում է ստացված տեղեկությունը: