Հայաստանը՝ ամենաառողջ ու երջանիկ երեխաներ ունեցող երկրների շարքում

Առողջապահության համաշխարհային կազմակերպությունը զեկույց է հրապարակել` «Դպրոցական տարիքի երեխաների վարքը առողջության տեսանկյունից-2016» թեմայով. հայտնում է rusarminfo.ru-ն:

Հետազոտողներն ուսումնասիրել են աշխարհի 42 երկրի 11-15 տարեկան 220 հազար երեխաների տվյալներ:

Այսպես՝ պարզվել է, որ հիմնական խնդիրը գիրությունն է, որից տառապում են երեխաները: Սակայն Հայաստանում այդ խնդիրը դժվար հաղթահարվողներից չէ: Ավելին՝ Հայաստանում, ինչպես նաև Ալբանիայում, Իտալիայում, Պորտուգալիայում երեխաներն ավելի են առողջ սնունդ են օգտագործում՝ թարմ մրգեր և բանջարեղեն: 

Հայաստանում, ի տարբերություն մյուս երկրների, 15-ամյա երիտասարդների մոտ ծխելու զրոյական մակարդակ է: Հայաստանում այդ տարիքի երեխաները նաև գրեթե չեն ապրում ինտիմ կյանքով:

Հետազոտության համաձայն՝ Հայաստանում, Ալբանիայում և Նիդեռլանդներում  բնակվող երեխաները ոչ միայն ամենաառողջն են, այլև` ամենաերջանիկը: