Արաբկիրի թաղապետը խիստ է լինելու ապօրինի շինարարության, հողազավթումների դեմ պայքարում

Արաբկիրի թաղապետ Հովհաննես Վարդանյանն իր ֆեյսբուքյան էջում գրում է. «Թափանցիկ աշխատանք բացառապես օրենքի դաշտում, հետևողական ու սրտացավ մոտեցում: Սա է իմ պահանջը: Կազմակերպելով հերթական գործակարգավարական խորհրդակցությունն այսօր հանձնարարել եմ խիստ և անզիջում լինել ապօրինի շինարարության, հողազավթումների և բացօթյա ապօրինի առևտրի դեմ պայքարում: Երևանի քաղաքապետ Տարոն Մարգարյանի դիրքորոշումն այս հարցում այլընտրանքի հնարավորություն չի տալիս:

Այսօր նաև հանձնարարել եմ շատ ուշադիր լինել տնտ. սուբյեկտների կողմից հարակից տարածքների բարեկարգման ու կանաչապատման գործընթացի պատշաճ ապահովմանը, համագործակցելով համապատասխան ծառայությունների հետ՝ արտաքին լուսավորության ցանցում թերությունների արագ վերացմանը: Քննարկել ենք բազմաթիվ աշխատանքային այլ հարցեր ևս»: