Մի՛ անհանգստացեք, ամեն ինչ համաձայնեցված է արդեն. Վահրամ Բաղդասարյան

Այսօր լրագրողները ԱԺ ՀՀԿ խմբակցության ղեկավար Վահրամ Բաղդասարյանին հարցրեցին, թե արդյո՞ք այսօր հուշագիր կստորագրվի ՀՅԴ-ի հետ: Նա պատասխանեց, որ այսօրվա դրությամբ նման քննարկում չեն ունեցել, ուստի չի կարող հայտարարել նման բանի մասին:

Հարցին, թե ինչո՞ւ են ձգձգվում ՀՅԴ-ի հետ համագործակցելու մասին հայտարարությունները, Վահրամ Բաղդասարյանը պատասխանեց. «Ձգձգման խնդիր չկա, տեխնիկական խնդիրներ են, մի\' անհանգստացեք, ամեն ինչ համաձայնեցված է արդեն»:

Հարցին` ի՞նչ պաշտոններ են հանձնվելու Դաշնակցությանը, նա պատասխանեց. «Պաշտոնները միայն լրագրողներին են հետաքրքրում, մեզ բացարձակապես չեն հետաքրքրում պաշտոնները»: