Խոսքին փոխարինելու է գալիս պարը. պրեմիերա` Սոս Սարգսյանի անվան համազգային թատրոնում

Սոս Սարգսյանի անվան համազգային թատրոնում այսօր պրեմիերա է. «Դիլեմա»` այսպես է կոչվում նոր` պարային ներկայացումը:

Ներկայացման բեմադրությունն ու երաժշտական ձևավորումը հեղինակել է Անի Աբրահամյանը, նկարչական ձևավորումը և գրաֆիկան Նարե Հովհաննիսյանինն են:

Ներկայացման մեջ հանդես կգան  Նարեկ Բաղդասարյանը, Շուշան Ասլանյանը, Արմինե Հովհաննիսյանը, Ափո Յաղմուրյանը, Աննա Վարդանյանը, Գաբրիել Խուդեդան:

Դիլեմա` իրավիճակ, որ հաճախ է խռովում մեր հոգին։ Եվ ինչպե՞ս լավագույնս արտահայտել այս վիճակը, եթե ոչ` մարմնի լեզվով։ Նոր, ինքնատիպ բեմադրություն, որում միտքն արտահայտում է գտնում ոչ թե բառերի, այլ շարժման միջոցով. խոսքին փոխարինելու է գալիս պարը:

Ներկայացումը կցուցադրվի նաև վաղը: