Էրդողանը զանգահարել է Օբամային՝ քննարկելու ռուսական ինքնաթիռի խոցման հարցը

Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել ԱՄՆ նախագահ Բարաք Օբամայի հետ:

Ըստ AA-ի՝  Թուրքիայի նախագահականից տարածված հայտարարության մեջ նշվել է, որ նախագահները զրուցել են «թուրքական օդային տարածքը հատած ռուսական ինքնաթիռի խոցման մասին»։

Զրույցի ընթացքում Օբաման նշել է, որ ԱՄՆ-ը և ՆԱՏՕ-ն աջակցում են Թուրքիայի՝ իր ազգային անվտանգությունը պաշտպանելու իրավունքին:

Նախագահները խոսել են նաև նման դեպքերի կրկնությունը կանխելու համար ձեռնարկվելիք քայլերի մասին և նշել, որ համակարծիք են հարկադրված խոցման անհրաժեշտության հարցում։

Էրդողանն ու Օբաման նաև ընդգծել են, որ շարունակելու են միասին գործել «Իսլամական պետություն» ահաբեկչական խմբավորման դեմ պայքարում: