Ռուսաստան է վերադարձել ռուսական մաֆիայի առաջնորդներից մեկը՝ Լաշա Ռուսթավսկին

Հունաստանից Ռուսաստան է վերադարձել ռուսական մաֆիայի առաջնորդներից մեկը՝ «օրենքով գող» Լաշա Շուշանաշվիլին՝  Լաշա Ռուսթավսկի մականունով. հայտնում է Росбалт-ը՝ իր աղբյուրներին հղումով:

Նշվում է, որ նրա պատճառով ժամանակին բռնկվել էր վերջին շրջանում ամենախոշոր քրեական պատերազմը, որին զոհ էր գնացել Ասլան Ուսոյանը (Դեդ Հասան)։

2008-ին ՌԴ ԴՄԾ-ն Ռուսաստանի տարածքում Լաշայի մուտքը 5 տարով արգելելու որոշում էր կայացրել՝ նշելով, որ նա սպառնալիք է ստեղծում պետության պաշտպանունակության և անվտանգության համար։ Արտաքսվելուց հետո նա բնակություն է հաստատել Հունաստանում, որտեղ 2012-ին նրան կալանավորեցին: Ազատության մեջ նա հայտնվեց այս տարվա ամռանը: