Կոտայքի մարզում զինծառայողի հայրն ինքնասպան է եղել. ի՞նչ վարկած է շրջանառվում

Այսօր առավոտյան հերթական ինքնասպանության դեպքն է գրանցվել Կոտայքի մարզում: Զորավան գյուղում` տանը կից ավտոտնակում, կախված վիճակում հայտնաբերվել է նույն գյուղի 44-ամյա բնակիչը: Yerkir.am-ի տեղեկություններով՝ տղամարդուն հայտնաբերել է մայրը:

Մեզ հետ զրույցում Զորավանի համայնքապետ Բաղդասար Թովմասյանը հայտնեց, որ տղամարդն ամուսնացած էր՝ ուներ երկու դուստր, թոռնիկ և մեկ որդի, ով ծառայում է Արցախում: «Շինարար մարդ էր, համեստ, ամբողջ գյուղը սգում է նրա մահը»,- ասաց գյուղապետը:

Նախնական տեղեկություններով՝ տղամարդը որոշ ֆինանսական խնդիրներ ուներ, և հնարավոր է` դա է եղել նման քայլի դիմելու պատճառը:

Փաստի առթիվ նյութեր են նախապատրաստվում: