Քաղաքապետարանի վարչության պետը, որպես վկա, հարցաքննվել է մահվան պատճառ դարձած վթարի գործով

Սեպտեմբերի 13-ին ուշ երեկոյան Ռուբինյանց փողոցի թիվ 20 շենքի դիմաց հետիոտնին վրաերթի ենթարկելու դեպքով հարուցված քրեական գործով երեկ հարցաքննվել է «Lexus» մակնիշի ավտոմեքենայի վարորդ` 39-ամյա Արման Եդոյանը: Այս մասին yerkir.am-ին հայտնեցին ՀՀ քննչական կոմիտեից:

Եդոյանն այս գործով առայժմ վկայի կարգավիճակ ունի, որը հնարավոր է փոխվի նշանակված փորձաքննությունների եզրակացության ստացումից հետո: Վրաերթի արդյունքում` տեղում մահացել էր հետիոտն` 53-ամյա Խորեն Մկրտչյանը:

Հիշեցնենք, որ դեպքի կապակցությամբ հարուցվել էր քրեական գործ՝ ՀՀ քրեական օրենսգրքի 242-րդ հոդվածի 2-րդ մասով՝ ճանապարհային երթևեկության և տրանսպորտային միջոցների շահագործման կանոնները խախտելը, որն անզգուշությամբ առաջացրել է մարդու մահ:

Քրեական գործի նախաքննությունը շարունակվում է: