Ադրբեջանը ԵՄ-ին սպառնում է պատասխան քայլերով

Պաշտոնական Բաքուն ցավոտ է արձագանքել Եվրախորհրդարանի ընդունած բանաձևին, որում խստորեն դատապարտվել է Ադրբեջանում մարդու իրավունքների շուրջ ստեղծված իրավիճակը և բարձրացվել մարդու իրավունքները խախտած քաղաքական գործիչների ու դատավորների դեմ պատժամիջոցներ սահմանելու հարցը. հայտնում է contact.az-ը:

«Եվրոպական խորհրդարանի ընդունած բանաձևը հակաադրբեջանական ուժերի հերթական սադրիչ քայլն է։ Եվրոպական խորհրդարանի կողմնակալ այդ քայլը անպատասխան չի մնա»,-  երեկ Ադրբեջանում ԵՄ ներկայացուցչության ղեկավար Մալենա Մարդի հետ հանդիպման ժամանակ հայտարարել է Ադրբեջանի էկոնոմիկայի ու արդյունաբերության նախարար, ԵՄ-ի հետ համագործակցության հարցերով պետական հանձնաժողովի նախագահ Շահին Մուստաֆաևը: