Անցած ամիսը մոլորակի ամենատաք հուլիսն էր

Անցած ամիսը մոլորակի ամենատաք հուլիս ամիսն էր` ուսումնասիրվող ժամանակաշրջանում` սկսած 1880 թվականից: Ջերմաստիճանը ռեկորդներ է սահմանել ոչ միայն ցամաքի վրա, այլեւ  օվկիանոսների, հայտնում են գիտնականները:

Աշխարհի տարբեր ծայրերում գրանցվել են  անսովոր տեւական շոգեր:

Նշվում է, որ 2015 թվականն ամենայն հավանականությամբ կհայտարարվի ամենատաք տարին ուսումնաիսրությունների ողջ շրջանում: Մինչ այդ ամենատաք տարի էր համարվում 2014-ը:

Գիտնականների կարծիքով տվյալները վկայում են շարունակվող գլոբալ տաքացման մասին, միեւնույն ժամանակ օդի ջերմաստիճանի բարձրացումը  կարելի է բացատրել նաեւ Խաղաղ օվկիանոսի ջրի ջերմաստիճանի բարձրացմամբ: Այս երեւոյթը կոչվում է «Էլ Նինյո»: