Դավութօղլուի կինը Հայոց ցեղասպանության մասին հայտարարություն է արել

Թուրքիայի վարչապետ Ահմեդ Դավութօղլուի կինը` Սարե Դավութօղլուն, հարցազրույց է տվել թուրքական Milliyet պարբերականին:

Հարցազրույցի ընթացքում նա անդրադարձել է նաև Հայոց ցեղասպանության հարցում Թուրքիայի դիրքորոշմանը: Խոսելով ամուսնու վարած արտաքին և ներքին քաղաքականության մասին` Սարե Դավութօղլուն հիշեցրել է Հայոց ցեղասպանության մասին ամուսնու հայտարարությունը: «Արդյունքում` այս կառավարությունը փորձեց արդարացի մոտեցում ցուցաբերել այդ հարցում: Պարոն Ահմեդն ասաց, որ արտասահմանի հայերն էլ մեր հայերն են: Սակայն մեր երկրի բարեկեցությունը չցանկացողների ձեռքին խաղաթուղթ տալը տխրեցնող է: Կարծրատիպեր կան: Դժվար է ինչ-որ բան անել` առանց դրանք հաղթահարելու»,- ասել է նա: