Խարդախություն` կեղծ պայմանագրերով

Yerkir.am-ն ավելի վաղ անդրադարձել էր «Ռոսս Գրուպ» վարկային կազմակերպության գործունեությանը, որն  առաջարկում էր հաճախորդների փոխարեն մարել նրանց վարկերը, եթե նրանք իրեն վճարեն գործող վարկի 20 կամ 25 տոկոսը:

Նաեւ տեղեկացրել էինք, որ լիցենզիա չունեցող ընկերությունն արդեն փակվել է:

ՀՀ ոստիկանությունը բացահատել է խարդախության մի մեխանիզմ. Հանրապետության 82 հասցեում գործող  Ռուոս Գրուպ փակ բաժնետիրական ընկերության տնօրեն Եվգենյա Գրեբեննիկովան և աշխատակից  Ռոման Խուդոյանը քաղաքացիների հետ կնքել են ձևական  պայմանագրեր, իբր տարբեր բանկերում ունեցած վարկերի`  20-30 տոկոսն իրենց մուծելու դիմաց կազմակերպությունն ամբողջությամբ կփակի նրանց վարկն ու տոկոսները:

 Միայն 4 քաղաքացուց հափշտակվել է 450  հազար դրամ: