Էրդողանի գլխավորած նիստում քննարկվել է Հայոց ցեղասպանության հարցը

Թուրքիայի նախագահ Ռեջեփ Թայիփ Էրդողանի գլխավորությամբ` տեղի է ունեցել Ազգային անվտանգության խորհրդի նիստ, որի ժամանակ քննարկվել են ընդդիմադիր, կրոնական Աբդուլլահ Գյուլենի «խորքային պետության» և Հայոց ցեղասպանության հարցերը:

Ըստ T24-ի՝ 7 ժամ տևած նիստի ընթացքում «Գյուլենական շարժում»-ը պաշտոնապես հայտարարվել է երկրի թշնամի և մտել ազգային անվտանգության քաղաքական փաստաթուղթ համարվող «Կարմիր գրքի» մեջ:

Նիստի ժամանակ քննարկվել է նաև Հայոց ցեղասպանության թեման, որի ժամանակ խորհրդի անդամները հայտնել են, թե տարբեր երկրների կողմից ընդունված` Ցեղասպանության ճանաչման վերաբերյալ որոշումները քաղաքական են եւ կապ չունեն պատմության հետ, ուստի Թուրքիան անտեսում է դրանք: