Փոխոստիկանապետն ու երկրպագուները սպասում են System of a Down-ի համերգին

Վաղ առավոտից ոստիկանությունն ուժեղացված հսկողություն է իրականացնում Հանրապետության հրապարակում և դրան հարող փողոցներում: Նշված տարածքում ոստիկանների ծառայությանն էին հետևում ՀՀ ոստիկանապետի տեղակալ Սամվել Հովհաննիսյանը և Երևանի փոխոստիկանապետ Վալերի Օսիպյանը:

Yerkir.am-ի հետ զրույցում Սամվել Հովհաննիսյանը հայտնեց, որ ոստիկանությունն ավարտել է նախապատրաստական աշխատանքները, և այժմ սպասում են համերգի մեկնարկին:

Նշենք, որ Գրիգոր Լուսավորչի և Վազգեն Սարգսյան փողոցների խաչմերուկի արգելապատնեշների մոտ առավոտից երկրպագուների հոծ բազմություն է հավաքվել, ովքեր սպասում են ժամը 20:30-ին Հանրապետության հրապարակում մեկնարկելիք` System of a Down աշխարհահռչակ ռոք խմբի համերգին: Երկրպագուներ կան նաև Իրանից և Վրաստանից: Ոմանք սպասում են`  խոտածածկին նստած, ոմանք՝ պառկած, մյուսներն էլ` կանգնած: Երկրպագուներից մեկը մեզ հետ զրույցում հայտնեց, որ սպասում է առավոտվա ժամը 6-ից:

Մանրամասները՝ yerkir.am-ի տեղանյութում: