Երևանում «Միստրալ»-ի հարցը չի քննարկվի. Պեսկով

ՌԴ նախագահ Վլադիմիր Պուտինը մտադիր չէ Երևանում Ֆրանսիայի նախագահ Ֆրանսու Օլանդի հետ քննարկել «Միստրալ»-ի մատակարարման խնդիրը: Այդ մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը:

«Դա ավելի շուտ ֆրանսիական կողմի խնդիրն է: Կողմի, որը ստացել է պատվիրատուից գումարները և դեռ չի կատարում իր պարտականությունները»,- ասել է նա:

Այնուամենայնիվ, Պեսկովը նշել է, որ եթե այդ հարցը բարձրացնի Օլանդը, ապա այն կքննարկվի:

Հիշեցնենք, որ Ֆրանսիայի նախագահ Ֆրանսուա Օլանդը ավելի վաղ  «Canal+»-ին տված հարցազրույցում հայտարարել է, որ Փարիզն ու Մոսկվան բանակցություններ են վարում, որպեսզի լուծեն Ռուսաստանին «Միստրալ» ավիակիր ռազմանավեր մատակարարելու հարցը: