Եվրոպացիներն ավելի լավ է հիշեն իրենց անցյալը. Թուրքիայի ԱԳՆ-ն հարձակվելով պաշտպանվում է

Թուրքիայի ԱԳՆ-ն արձագանքել է Եվրախորհրդարանի կողմից Հայոց ցեղասպանության վերաբերյալ բանաձեւի ընդունմանը:

Հայտարարության մեջ նշվում է, որ Եվրախորհրդարանը փորձել է վերաշարադրել պատմությունը՝ գերագնահատելով իր լիազորությունները եւ հերթական անգամ խոչընդոտելով ԵՄ-Թուրքիա հարաբերությունների զարգացմանը:

«Մենք լուրջ չենք ընդունում այս բանաձեւն ընդունողներին»,- նշվում է հայտարարության մեջ:  

«Մինչեւ 1915-ին անդրադառնալը, Եվրախորհրդարանի անդամները լավ կանեն հիշեն իրենց անցյալը եւ մարդկության դեմ այնպիսի զարհուրելի արարքներ, ինչպիսիք են Առաջին եւ Երկրորդ համաշխարհային պատերազմների ժամանակ իրենց երկրների գործողությունները»,- հայտարարում է Թուրքիայի արտաքին գերատեսչությունը: