Շիշլիի հայկական գերեզմանատանը Կոմիտասի արձա՞նը կտեղադրվի

Ստամբուլում կբարեկարգվի ամենաարժեքավոր վայրերից մեկը համարվող Շիշլիի հայկական գերեզմանատունը. հայտնում է «Ակօս»-ը:

Անցյալ տարի Թաքսիմ հրապարակի վերանորոգման ընթացքում հայտնաբերված հայկական գերեզմանաքարերը տեղափոխվել են Շիշլի թաղամասի գերեզմանատուն, որտեղ դրանք դասավորելու համար հարթակ է կառուցվում: Հայտնաբերված 14 գերեզմանաքարերից երկուսը ցուցադրվում են թանգարանում, իսկ 12-ը հանձնվել են Շիշլիի հայկական գերեզմանատանը:

Գերեզմանատան տնօրեն Նուբար Գյուզելդևլեթյանին ուղղված այն հարցին, թե հարթակի վրա ո՞ւմը արձանը կտեղադրվի, նա հստակ պատասխան չի տվել: «Այնտեղ կարող է լինել գերեզմանատան հիմնադիր, պատրիարք Մաղաքիա Օրմանյանի, Կոմիտաս վարդապետի, կամ մեկ ուրիշի արձանը»,- ասել է գերեզմանատան տնօրենը: