Ռուս պաշտոնյան որսի ժամանակ սպանվել է իր հայ ընկերոջ պատահական կրակոցից

Յակուտիայում որսի ժամանակ սպանվել է ՌԴ միգրացիոն դաշնային ծառայության Մոսկվայի վարչության ղեկավարի տեղակալ Նիկոլայ Ազարովը: Այդ մասին հայտնում է ТАСС-ը:

Հայտնի է, որ Ազարովը Յակուտիա է ժամանել մասնավոր այցով:  Խարըյալախ-Յուրյախ տեղանքում նոյեմբերի 5-ին որսի ժամանակ տեղի է ունեցել դժբախտ պատահար:

Ազարովի ընկերը՝ МСИТИ- Девелопмент շինարարական ընկերության ղեկավար Արմեն Զաքարյանը, պատահաբար կրակել է ավտոմեքենայի սրահում, որտեղ գտնվել է Նիկոլայ Ազարովը: Ստացած վնասվածքներից Ազարովը տեղում մահացել է:

Զաքարյանը ձերբակալվել է, նրա նկատմամբ  քրեական գործ է հարուցվել: Ներկայումս պարզվում են դեպքի հանգամանքները: