Տեղի ունեցավ Համահայկական խաղերի համաշխարհային կոմիտեի հերթական նիստը

Այսօր տեղի ունեցավ Համահայկական խաղերի համաշխարհային կոմիտեի հերթական նիստը: Որոշում ընդունվեց Համահայկական 6-րդ ամառային  մարզախաղերում ավելացնել հետևյալ մարզաձևերը` լողափնյա վոլեյբոլ, ատլետիկա, լող, սպորտային պարեր, հրաձգություն, գոլֆ, հանդբոլ, բազկամարտ, հեծանվասպորտ:

«Երևանը և ՀՀ մյուս քաղաքները պատրաստ են ընդունել Համահայկական ամառային 6-րդ խաղերը, սակայն մի քանի նոր մարզաձևերի համար անհրաժեշտ է ձեռք բերել որոշակի գույք», - ասաց  Համահայկական խաղերի համաշխարհային կոմիտեի նախագահ Իշխան Զաքարյանը։ 

Այսուհետ Համահայկական խաղերի յուրաքանչյուր պատվիրակություն իր հետ կբերի նաև մրցավարական անձնակազմ:

Համահայկական ամառային 6-րդ խաղերի խորհրդանիշը դեռևս որոշված չէ, սակայն հաստատված է, որ դրանում արտացոլվելու է Հայոց ցեղասպանության 100-րդ տարելիցը: