Թուրքիայում այսօր նախագահական ընտրություններն են

Այսօր Թուրքիայի պատմության մեջ առաջին անգամ ուղղակի քվեարկության միջոցով ընտրում են երկրի 12-րդ նախագահին:

Ըստ Haberler-ի՝ընտրությունները կանցկացվեն երկրի 165 հազար 108 ընտրատեղամասերումՙ որին մասնակցելու իրավունք ունեն 52 միլիոն 894 հազար 115 մարդ:

Թուրքիայի նախագահի թեկնածուներն են իշխող «Արդարություն և զարգացում» կուսակցության առաջնորդ, Թուրքիայի վարչապետ Ռեջեփ Թայիփ Էրդողանը, ընդդիմադիր Ժողովրդա-հանրապետական և «Ազգայնական շարժում» կուսակցությունների համատեղ առաջադրած թեկնածու Էքմելեդդին Իհսանօղլուն և Ժողովուրդների դեմոկրատական կուսակցության կողմից առաջադրված և հայերի աջակցությունը վայելող քուրդ թեկնածու Սելահաթթին Դեմիրթաշը: