Գերմանիայի հավաքականը նվաճեց աշխարհի չեմպիոնի տիտղոսը

Ավարտվեց ֆուտբոլի աշխարհի 20-րդ առաջնությունը: Եզրափակիչում մրցեցին Գերմանիայի և Արգենտինայի հավաքականները: Աշխարհի չեմպիոնի տիտղոսը նվաճեց Գերմանիայի հավաքականը:

 Հանդիպումն անցավ գրեթե հավասար պայքարում: Երկու թիմերն էլ հնարավորություն ունեին հիմնական ժամանակում բացել հաշիվը, սակայն ֆուտբոլիստները չէին կարողանում օգտագործել իրենց պահերը, ինչի արդյունքում խաղը տեղափոխվեց 30 րոպեանոց լրացուցիչ ժամանակ, որտեղ գերմանացիները վճռեցին հանդիպման ելքը: 88-րոպեին փոխարինման մտած Մարիո Գյոթցեն 113-րդ րոպեին գրավեց արգենտինացիների դարպասը, ինչի շնորհիվ գերմանացիները նվաճեցին աշխարհի չեմպիոնի տիտղոսը: