Բռնաբարության մեջ մեղադրվող նախկին ոստիկանից տուժողը 4 միլիոն է պահանջում

Կենտրոն և Նորք-Մարաշ վարչական շրջանների ընդհանուր իրավասության դատարանում, դատավոր Մեսրոպ Մակյանի նախագահությամբ, շարունակվեց առևանգության, բռնաբարության, սեքսուալ բնույթի բռնի գործողություններ կատարելու և առանձնապես խոշոր չափի գույք հափշտակելու մեջ մեղադրվող` ոստիկանության նախկին աշխատակից Էդգար Վարագյանի գործի քննությունը: Այսօր դատարանը դռնփակ դատական նիստում լսեց Վարագյանի ընկերուհուն` գործում որպես լրացուցիչ վկա ներգրավված Համասփյուռ Մուրադյանին:

Այնուհետև դատարանը հրապարակեց Վարագյանի դեմ տուժողի կողմից ներկայացված քաղհայցը: Տուժողն, իբրև  իրեն պատճառված վնասի փոխհատուցում, ամբաստանյալից պահանջել է 4. 779796 ՀՀ դրամ գումար: Քաղհայցի վերաբերյալ դատարանը դիրքորոշում կհայտնի վերջնական դատական ակտ կայացնելիս:

Աշխատանքային օրվա ավարտի կապակցությամբ դատական նիստը հետաձգվեց, և հաջորդը նշանակվեց հուլիսի 24-ին: