Արթուր Պետրոսյանը միացավ Հայաստանի հավաքականին

Մայիսի 30-ին Հայաստանի ազգային հավաքականն անցկացրեց վերջին մարզումը Ալժիրի հավաքականի հետ ընկերական խաղից առաջ:

ՀՖՖ պաշտոնական կայքը հաղորդում է, որ երեկ Հայաստանի ազգային հավաքականին միացավ նաև Արթուր Պետրոսյանը, ով ինչպես հայտնի է, նույնպես համալրել է մեր հավաքականի մարզչական շտաբը և կօգնի թիմին նախապատրաստվել Ալժիրի և Գերմանիայի հավաքականների հետ հանդիպումներին:

Նախկինում հայտարարվել է, որ Հայաստանի հավաքականի նախախաղային մարզումը տեղի կունենա Սիոնի «Ստադ դը Տուրբիյոն» մարզադաշտում, սակայն մարզումային ծրագրում տեղի ունեցավ փոփոխություն, և թիմն անցկացրեց մարզումը Կրանս-Մոնտանայում: 

Հիշեցնենք որ, Ալժիր-Հայաստան ընկերական հանդիպումը կկայանա այսօր՝ ժամը 20:00-ին, Սիոնի «Ստադ դը Տուրբիյոն» մարզադաշտում: