Սահմանի ռուսական կողմում զորք է կանգնած. ուկրաինացի սահմանապահներ

Ռուս-ուկրաինական սահմանի Դոնեցկի հատվածում Ռուսաստանի կողմից կանգնած է 40 բեռնատար, որոնցում զինված անձինք են՝ պատրաստ հատելու սահմանը: Այս մասին հայտնում է BBC-ն՝ վկայակոչելով Ուկրաինայի պետական սահմանապահ ծառայության տվյալները:

«Ուկրաինայի պետական սահմանապահ ծառայությունը ձեռնարկում է բոլոր դիվանագիտական և կազմակերպչական ջանքերը, որպեսզի թույլ չտա տվյալ անձանց մուտքը մեր պետության սահման»,- նշված է ծառայության տարածած հաղորդագրության մեջ:

Ավելի վաղ Ռուսաստանի արտգործնախարար Սերգեյ Լավրովը հայտարարել էր, որ Ռուսաստանը հարգանքով է վերաբերվում ուկրաինացի ժողովրդի ընտրությանը և պատրաստ է երկխոսել նախագահական ընտրություններում նախնական տվյալներով հաղթած Պյոտր Պորոշենկոյի հետ: