Եվս հինգ գրադարանում կստեղծվեն ֆրանկոֆոն անկյուններ

Օրերս Հայաստան էր ժամանել Ֆրանկոֆոնիայի միջազգային կազմակերպության հանրային գրականության պատասխանատու Էրիկ Վեբերը: Այցի նպատակն էր ուսումնասիրել Հայաստանի գրադարաններում ֆրանկոֆոն գրականության տարածման հնարավորությունը:

Վեբերը հանդիպումներ է ունեցել Հայաստանի ազգային գրադարանի, Ավ. Իսահակյանի անվան կենտրոնական գրադարանի, Հայաստանի Խնկո-Ապոր անվան ազգային մանկական գրադարանի, Շիրակի մարզային գրադարանի, Լոռու մարզային գրադարանի տնօրենների հետ, քննարկվել են ֆրանկոֆոն անկյունների ստեղծման հնարավորությունները։ Վեբերը, որպես Ֆրանկոֆոնիայի միջազգային կազմակերպության աշխատակից, ֆրանկոֆոն անկյուններ է հիմնել 27 գրադարանում: Դրանց նպատակը ֆրանկոֆոն մշակույթի տարածումն է:

Վեբերի այցի ընթացքում պայմանավորվածություն էր ձեռք բերվել Հայաստանի վերոհիշյալ գրադարաններում հիմնել 5 ֆրանկոֆոն անկյուններ: