16-ամյա աղջկան թրաֆիքինգի ենթարկելու դատական գործը մոտենում է ավարտին

16-ամյա աղջկան թրաֆիքինգի ենթարկելու քրեական գործով դատավարությունը նոր փուլ մտավ` ավարտվեց դատաքննությունը, սկսվեց դատական վիճաբանության փուլը:

Շենգավիթ վարչական շրջանի ընդհանուր իրավասության դատարան այսօր ներկայացել էին գործով մեղադրյալը, նրա փաստաբանն ու պետական մեղադրողը:

Տուժած աղջիկն ու նրա փաստաբան Օլգա Սաֆարյանը դատարանում չէին:  Yerkir.am-ն ավելի վաղ հայտնել էր, որ աղջիկը մոր հետ գտնվում է արտերկրում, իսկ փաստաբանը դատարանին հայտնել էր, որ չի ներկայանալու վատառողջ լինելու պատճառով:

Մեղադրող կողմը երկու օր ժամանակ խնդրեց` մեղադրական ճառը պատրաստելու համար: Մյուս դատական նիստը նշանակվեց ապրիլի 11-ին: