1 միլիոն դրամի նպաստներն ուշանում են նոր կարգի պատճառով

1 միլիոն դրամ նպաստը, նախատեսված ընտանիքում ծնված երրորդ և չորրորդ  երեխաների համար,  պետությունը դեռևս չի վճարել: Թե ինչո՞ւ, Yerkir.am-ը փորձեց պարզել աշխատանքի և սոցիալական հարցերի նախարարությունից: Մեզ հետ զրույցում հասարակայնության հետ կապերի վարչության պետ Հասմիկ Խաչատրյանն ասաց, որ ուշացումների պատճառը վճարման նոր կարգն է:

«Գումարները վճարվում են` կառավարության նոր որոշման համաձայն: Աշխատանքներ են տարվում, որպեսզի հնարավորինս արագ ստանան այդ նպաստները»,- ասաց նա:

Հ. Խաչատրյանը նշեց նաև, որ մյուս նպաստները` երեխայի խնամքի ամենամսյա 18 հազար և միանվագ 50 հազար դրամները, արդեն իսկ վճարվել են: «Որքան տեղյակ եմ, չվճարված ոչինչ չունենք այս պահին»,- ասաց նա: