Ուկրաինայում ռազմական դրություն և մասնակի զորահավաք է հայտարարվել

Ուկրաինայի ժամանակավոր նախագահ Ալեքսանդր Տուրչինովը  հրաման է ստորագրել, որով Ուկրաինայում ռազմական դրություն ու երկրի ողջ տարածքում մասնակի զորահավաք է հայտարարվել. հայտնում է ТСН-ն:

Մասնակի զորահավաք է անցկացվելու Ուկրաինայի բոլոր մարզերում, ինչպես նաև Կիևում: Ինչ վերաբերում է Ղրիմին և Սևաստոպոլին, ապա այստեղ  զորահավաքին կմասնակցեն նրանք, ովքեր կամավոր ցանկություն կհայտնեն ծառայելու:

Տուրչինովը բացատրել է, որ գնացել է այդ քայլին` հաշվի առնելով Ղրիմում ագրեսիայի շարունակական բնույթը, որը Ռուսաստանը փորձում է քողարկել «հանրաքվե» անունով մեծ կեղծիքի տակ, սակայն «այն երբեք չի ընդունվի ո'չ Ուկրաինայի, ո'չ էլ քաղաքակիրթ աշխարհի կողմից»: