ԱՄՆ-ը Թուրքիայում տեղի ունեցած դեպքերը որակել է որպես սկանդալ

Թուրքական մամուլում լուրեր էին տարածվել, որ ամերիկյան վարչակազմը երեկ հրապարակած` մարդու իրավունքների վերաբերյալ տարեկան զեկույցում անդրադարձել է Թուրքիայում դեկտեմբերի 17-ին տեղի ունեցած ձերբակալություններին և դրանք որակել որպես սկանդալ:

Ըստ Haberler-ի՝ պետդեպարտամենտի խոսնակ Ժեն Պսակին հաստատել է տարածված լուրերն ու ասել. «Սա վարչակազմի զեկույցն է, և իհարկե, մեր տեսակետն է ներկայացնում»:

Զեկույցի մասին խոսել է նաև ԱՄՆ բարձրաստիճան պաշտոնյաներից մեկը` պնդելով, որ բոլոր մանրամասները հաշվի են առել, նաև ասել է. «Այս զեկույցը գիտակցված և տեղին է»:

Հարց է ուղղվել նաև Թուրքիայում մեծ աղմուկ բարձրացրած` Էրդողանի և նրա որդու ձայնագրությունների մասին, որը Էրդողանի պնդմամբ, մոնտաժ է, սակայն պետդեպարտամենտում հրաժարվել են այդ մասին խոսել: