Բանակը գեներալները չեն միայն

Վարդան Հակոբյանը ֆեյսբուքյան իր էջում գրում է.

«Բանակի օրվա կապակցությամբ տեղին կլիներ կալանքից ազատվեր բանակի գնդապետ, ազատամարտիկ, ազատամարտիկների սոցիալական խնդիրների համար պայքարող Վոլոդյա Ավետիսյանը: Բանակը դա գեներալները չեն միայն, այլ նաև շարքային մեր զինվորներն ու բանակի ստեղծման ակունքներում կանգնած ազատամարտիկները, որոնց հիմնական մասը զուրկ է տարրական ուշադրությունից և սոցիալական պայմաններից, իսկ Շուշիի առանձնակի գումարտակի հրամանատար Ժ. Սեֆիլյանը առ այսօր չի արժանացել ՀՀ քաղաքացու կարգավիճակին: Սա է իրականում բանակի ներկայացուցչի նկատմամբ վերաբերմունքը, ոչ թե ճառերն ու կենացները: Մեր բանակը ազատագրող բանակ է, և նա ժողովրդինն է»: