Սուրեն Խաչատրյանին կփոխարինի Արթուր Բաղդասարյանը

Այսօր տեղի է ունեցել Վոլեյբոլի ֆեդերացիայի արտահերթ կոնֆերանս: Կոնֆերանսին մասնակցել են Ազգային անվտանգության խորհրդի քարտուղար Արթուր Բաղդասարյանը, ՀՀ Սպորտի և երիտասարդության հարցերի նախարար Յուրի Վարդանյանը, վոլեյբոլ մարզաձևի մասնագետներ, ֆեդերացիայի անդամներ, մարզաշխարհի այլ ներկայացուցիչներ: Սպորտի և երիտասարդության հարցերի նախարար Յուրի Վարդանյանը ներկաներին տեղեկացրել է, որ Սուրիկ Խաչատրյանը հրաժարական է տվել Վոլեյբոլի ֆեդերացիայի նախագահի պաշտոնից, եւ որ քննարկումների արդյունքում որոշում է կայացվել Վոլեյբոլի ֆեդերացիայի նախագահի թեկնածու առաջադրել Ազգային անվտանգության խորհրդի քարտուղար Արթուր Բաղդասարյանին:

Կոնֆերանսի պատգամավորները միաձայն Վոլեյբոլի ֆեդերացիայի նախագահ ընտրեցին Արթուր Բաղդասարյանին:

«Ես էլ վոլեյբոլը շատ եմ սիրում, և սա ինձ համար նոր մեկնարկ է: Մենք ունենք լավ մարզիչներ, մարզիկներ, ավանդույթներ և մենք պետք է ամեն ինչ անենք Հայաստանում վոլեյբոլը զարգացնելու համար»,-ընտրվելուց հետո ասել է Արթուր Բաղդասարյանը: