Սնոուդենը հայտարարել է, որ գաղտնի փաստաթղթեր չի բերել Ռուսաստան

ԱՄՆ ԿՀՎ նախկին աշխատակից Էդվարդ Սնոուդենը New York Times-ին տված հարցազրույցում հայտնել է, որ Ռուսաստան է ժամանել առանց գաղտնի փաստաթղթերի. հայտնում է РИА Новости-ն:

Նրա խոսքերով` բոլոր գաղտնի փաստաթղթերը, որոնք ինքը կարողացել է ձեռք բերել, Մոսկվա մեկնելուց առաջ հանձնել է լրագրողներին, որոնց հետ հանդիպել է Հոնկոնգում։ Սնոուդենը նշել է, որ փաստաթղթերն իր հետ չի վերցրել, «քանի որ դա հասարակության շահերից չէր բխում»։ 

Հիշեցնենք, որ Սնոուդենն ԱՄՆ-ում գաղտնի տեղեկատվություն տարածելու մեջ է մեղադրվում: Նա Ռուսաստան է ժամանել այդ տարվա հունիսին: Օգոստոսի 1-ին ռուսական կողմը նրան մեկ տարով ապաստան տալու որոշում է կայացրել: