Ի՞նչ կա ուզելու նրանից, որ ուզեն. Մկրտիչ Մինասյանը` Զարուհի Փոստանջյանի մասին

ԱԺ ՀՀԿ խմբակցության պատգամավոր Մկրտիչ Մինասյանը «Ժառանգության» պատգամավոր Զարուհի Փոստանջյանի անվտանգության պահպանումը շոու է համարում:

Ըստ նրա` որոշ մարդկանց կողմից էմոցիոնալ արտահայտություններ եղել են, սակայն դրանք դեռ սպառնալիքներ չեն:

«Հիմա ես էլ կարող եմ էմոցիոնալ մի բան ասեմ, և նա հետո ասի, թե ինձ սպառնում են»,-լրագրողների հետ հանդիպման ժամանակ հայտարարեց պատգամավորը:

Դիտարկմանը, թե նրա կարծիքով Առաքել Մովսիսյանը և Գալուստ Սահակյանը ոչինչ չե՞ն ուզում Փոստանջյանից , Մինասյանը պատասխանեց. «Ի՞նչ կա նրանից ուզելու, որ ուզեն»:

Մինասյանի խոսքով` ԵԽԽՎ ամբիոնից ՀՀ նախագահի հասցեին հնչեցված հարցադրման շնորհիվ իր գործընկերն ընդամենը  Ադրբեջանի պատվիրակությանը հանեց այն «մանթրաշից», որի մեջ նրանց գցել էր մեր նախագահը:

«Մենք ինքներս մեզ պետք է հարց տանք, թե ու՞մ ջրաղացին ենք ջուր լցնում»,- ասաց նա: