Լեգենդար ''Արարատ-73''-ի մեծարումը` Ագարակում

Հոկտեմբերի 6-ին Արագածոտնի մարզի Ագարակ համայնքում մեծ շուքով կնշվի «Արարատ 73» ֆուտբոլային թիմի հաղթանակների հոբելյանական 40-րդ տարին:

Նախաձեռնության հեղինակը ռուսաստանաբնակ բարերար Հրաչյա Պողոսյանն է, միջոցառումն իրականացվում է սպորտի և երիտասարդության հարցերի նախարար Յուրի Վարդանյանի աջակցությամբ:

Ժամը 14 :00-ին Ագարակի կենտրոնում նախատեսված համերգային միջոցառմանը կմեծարվեն լեգենդար ֆուտբոլիստները, ժամը 15-30-ին տեղի կունենա «Արարատ 73» -ի պատմական դարձած հաղթանակը խորհրդանշող հուշարձանի բացման արարողությունը: Միջոցառմանը ներկա կլինեն բարձրաստիճան հյուրեր, ֆուտբոլասեր պատգամավորներ, մտավորականներ և մարզական մեկնաբաններ: