Սեպտեմբերի 3-ի որոշումն ամենաշրջահայաց քայլն էր վերջին 16 տարիների ընթացքում. Աղասի Արշակյան

Մի քանի ընտանիքների` անօրինական ճանապարհով հարստություն կուտակելը, դատաիրավական համակարգի անարխիան, համատարած թալանն ու մարդու իրավունքների ոտնահարման դրսևորումները խլեցին մեր ժողովրդից հավատը. այսօր լրագրողների հետ հանդիպման ժամանակ ասաց երկրորդ և երրորդ ԱԺ գումարման պատգամավոր Աղասի Արշակյանը:

Ըստ նրա` հնարավոր է վերականգնել մեր ավերված տնտեսությունը, հնարավոր է նաև ետ բերել  1.6 մլն արտագաղթածներին, սակայն այն հավատը, որը գոյություն ուներ 90-ականների սկզբներին, չնայած սոցիալ-տնտեսական ծանր պայմաններին, չափազանց դժվար է վերականգնել:

Աղասի Արշակյանը տրամաբանական և սպասելի համարեց Սերժ Սարգսյանի` Մաքսային միությանն անդամակցելու որոշումը: «Սա վերջին 16 տարիների ընթացքում ամենաշրջահայաց քայլն էր, այն դեռևս 1997 թվականին սկսված քաղաքականության տրամաբանական շարունակությունն է»,- ասաց նա: