Անսպասելի շրջադարձ՝ սիրիական խնդրի քննարկումներում

Վաշինգտոնը պատրաստ է հետաձգել Սիրիայի դեմ պատրաստվող ռազմական գործողությունը, եթե Ասադը հանձնի քիմիական զենքը և այն անցնի միջազգային հանրության վերահսկողության տակ. հայտնում է РИА Новости-ն:

Անսպասելի շրջադարձը սիրիական խնդրի քննարկումներում տեղի է ունեցել երկուշաբթի օրը: ՌԴ ԱԳՆ ղեկավար Սերգեյ Լավրովը կոչ է արել Դամասկոսին հանձնել քիմիական զենքը միջազգային հանրությանը և պայմանավորվել հետագայում արսենալի ոչնչացման մասին, ինչպես նաև միանալ քիմիական զենքն արգելող կազմակերպությանը: Սիրիայի իշխանությունները տվել են իրենց համաձայնությունը:

«Դա չի լուծում սիրիական սարսափելի հակամարտությունը, սակայն, եթե կոնկրետ այդ նպատակին մենք կարող ենք հասնել առանց ռազմական գործողության, ապա դա ինձ համար ավելի նախընտրելի կլինի»,- ասել է ԱՄՆ նախագահ Բարաք Օբաման CNN-ին տված հարցազրույցում: