Մերձմոսկվայում շուրջ 2000 ներգաղթյալ է ձերբակալվել

Մերձմոսկվայի Օդինցովսկի շրջանում ոստիկանները ձերբակալել են 1800 օտարերկրացու. հաղորդում է Интерфакс-ը:

Նրանցից 240-ի դեպքում արձանագրվել է ՌԴ-ում բնակության պայմանների վերաբերյալ հոդվածի խախտում: Չի բացառվում, որ շուրջ 68 քրգործ հարուցվի` փաստաթղթերի կեղծման և անօրինական կերպով ներգաղթելու համար: Ոստիկանությունը ստուգումներն անցակցրել է շինհրապարակներում և գյուղատնտեսական ապրանքների շուկաներում: 

Զանգվածային այս ստուգումները սկսվել են հուլիսի 27-ից հետո, երբ մոսկովյան շուկայում դաղստանցի ներգաղթյալը հարվածել էր ոստիկանի: Այդ միջադեպից հետո ստուգումների արդյունքում ձերբակալվել էր շուրջ հազար մարդ: