Վարչապետն իր խոստումը լրագրողների աչքից հեռու կատարեց

Արդեն տեղեկացրել ենք, որ այսօր վարչապետ Տիգրան Սարգսյանը ՀՀԿ Կենտրոնական գրասենյակի մոտ հավաքված խաբված բնակիչներին խոստացել էր ՀՀԿ ԳՄ նիստից հետո հանդիպել նրանց հետ եւ զրուցել: Նիստի ավարտից հետո Տիգրան Սարգսյանը կոչ արեց, որ 10 ցուցարար գա իր հետ կառավարություն, որտեղ էլ կխոսեն: Վարչապետի այս պայմանն այնքան էլ դուր չեկավ գերակա հանրային շահերի զոհերին, եւ նրանք ամեն կերպ փորձում էին անցնել ոստիկանների ստեղծած պատնեշի միջով ու մտնել կառավարություն՝ գնալով վարչապետի հետեից:

Լրագրողները նույնպես հույս ունեին, որ գոնե այսօր կարող են խոսել Տիգրան Սարգսյանի հետ՝ կապված վերջին աղմկահարույց պատմությունների, մասնավորապես` օֆշորային սկանդալի հետ, Կիպրոսի դատախազի հայտարարության վերաբերյալ, սակայն վարչապետն այս անգամ էլ խուսափեց: