Ոստիկանությունը շրջափակել է Ստամբուլի Թաքսիմ հրապարակը

Ոստիկանությունը մուտք է գործել Ստամբուլի Թաքսիմ հրապարակ, որտեղ գտնվում են ցուցարարները: Նրանց արդեն հաջողվել է հաղթահարել բարիկադները. հայտնում է Associated Press-ը:

Այժմ ոստիկանությունը փակել է Թաքսիմ հրապարակ տանող ճանապարհները և փորձում է ցրել ցուցարարներին:

Ավելի վաղ հաղորդվում էր, որ Թուրքիայի վարչապետ Ռեջեփ Թայիփ Էրդողանը խոստացել է հանդիպել ցուցարարների հետ և քննարկել նրանց պահանջները: Ստամբուլի քաղաքապետը, իր հերթին, ներողություն էր խնդրել ցուցարարներից ոստիկանության դաժան գործողությունների համար:

Ստամբուլի Թաքսիմ հրապարակում Գեզի այգու վերակառուցման դեմ բողոքի ակցիաները շարունակվում են մոտ երկու շաբաթ: